«Džefersan u Paryžy» i «Dobry złodziej»

9.08.2007 / 20:16

TV, 10 žniŭnia, piatnica

Histaryčnaja drama Džejmza Ajvary i kryminalny remejk Niła Džordana.

ANT, 23.45

Džefersan u Paryžy (Jefferson in Paris)
ZŠA – Francyja, 1995, kalarovy, 139 chv.
Režyser: Džejmz Ajvary
Roli vykonvajuć: Nik Nołt, Hŭinet Pełtraŭ, Esteł Eonet, Tandzi Ńjutan, Tod Bojs, Set Hiliam, Najdžeł Ŭitmi, Nikałas Siłberh
Žanr: Historyka-bijahrafičnaja drama
Pryzy: Naminacyja na “Załatuju halinu” Kanskaha festu
Adznaka: 6 (z 10)

Tomas Džefersan staŭ ambasadaram Złučanych Štataŭ u Francyi nakonadni Francuskaje revalucyi. Intryhi j raskoša vyšejšaha śvietu, idei svabody, što łunajuć u pavietry, zaniapad arystakratyi – i pradčuvańnie vybuchu…

Džejmz Ajvary – režyser, jaki vydatna adčuvaje atmasferu starych epochaŭ. Trapnyja i šykoŭnyja kaściumy, pavietra dumak i pozirkaŭ, hrukat i pošum času. Ale ŭ centry ŭ Ajvary – čałaviek i prablemy jahonaha serca.

Ład, 00.15

Dobry złodziej (The Good Thief)
Irlandyja – Vialikabrytanija – Kanada – Francyja, 2002, kalarovy, 108 chv.
Režyser: Nił Džordan
Roli vykonvajuć: Nik Nołt, Čeki Karyjo, Žerar Darmon, Said Tahmaŭi, Patrycyja Kieł, Emir Kusturyca
Žanr: Kryminalnaja drama pavodle filmu Žana-Pjera Mielvila “Bob – hulec”
Pryzy: Pryz Madrydzkaha kinafestu za najlepšuju aperatarskuju pracu (Krysu Mienhies), naminacyja na hałoŭny pryz kinafestu ŭ San-Sebaśćjanie (Nił Džordan)

Paŭtor karciny Žana-Pjera Mielvila, pastaŭleny Niłam Džordanam.

Aferyst Bob viartajecca na Francuskuju Ryŭjeru, kab abrabavać kazino. Pad pilnym pozirkam inspektara palicyi Raže jon źbiraje šachrajaŭ i avanturnikaŭ. Chto kaho pieraihrajie? Chitry Bob zadumaŭ dva naloty: i tolki adzin ź ich budzie sapraŭdnym…

Čytajcie taksama:

Kamientary da artykuła