Афіша

«Банды Нью-Ёрку»

ТВ, 9 сьнежня, нядзеля

Гангстэрскі эпас Марціна Скарсэзэ пра амэрыканскую гісторыю.

Лад, 21.00

Банды Нью-Ёрку (Gangs of New York)
ЗША – Нямеччына – Італія – Вялікабрытанія – Нідэрлянды, 2002, каляровы, 166 хв.
Рэжысэр: Марцін Скарсэзэ
Ролі выконваюць: Леанарда Дзі Капрыё, Дэніэл Дэй-Льюіс, Кэмеран Дыяс, Джым Бродбэнт, Джон Рэйлі, Генры Томас, Лаям Нісан, Брэндан Глісан
Жанр: Гангстэрскі эпас, гістарычная драма
Прызы: 10 намінацый на “Оскар”, прэмія BAFTA Дэніэлу Дэй-Льюісу, “Залаты глёбус” за найлепшую рэжысуру й найлепшую песьню – усяго 33 узнагароды й 59 намінацый
Адзнака: 7 (з 10)

Нью-Ёрк, 1863 год. На вуліцах гораду пануе закон сілы. Ад рук банды Мясьніка гіне Валон, бацька Амстэрдаму. Пасьля доўгіх гадоў Амстэрдам, непазнаны, вяртаецца на вуліцы Нью-Ёрку, каб адпомсьціць забойцам…

Гамлетаўскі сюжэт помсты перанесены Скарсэзэ на вуліцы амэрыканскага гораду (які здымаўся ў Рыме). Каралём Клаўдзіем стаецца бандыт Мясьнік (Дэніэл Дэй Льюіс), Гамлетам – Леанарда Дзі Капрыё (у ролі Амстэрдама), а эпічная сага пра крымінальныя гарадзкія войны паказвае, зь якой крыві й гвалту вырастала Амэрыка. Акторы ў Скарсэзэ, як заўжды, граюць на мяжы сваіх магчымасьцяў.

Кінатэрміны

Кінападзеі

Усе фільмы

Кінатворцы

Каментары да артыкула