U źniavolenaha lidara BNF Ryhora Kastusiova padazreńnie na rak
24.07.2021 / 13:31
«U spadara Ryhora vielmi kiepskija analizy. Anamarkiery pieraŭzychodziać normu ŭ dva razy. Ciapier jon pierapałochany, što heta rak», — raskazaŭ «Našaj Nivie» ziać Kastusiova Źmicier Antončyk.
Ryhor Kastusioŭ prachodzić pa kryminalnaj spravie ab sprobie zamachu na Alaksandra Łukašenku. U źniavoleńni palityk užo try miesiacy.
Razam z Kastusiovym pa spravie prachodziać advakat z ZŠA Juraś Zianovič i litaraturaznaŭca Alaksandr Fiaduta.
Da apošniaha času 64-hadovy Kastusioŭ znachodziŭsia ŭ SIZA KDB, ale tam u jaho źjavilisia mocnyja prablemy sa zdaroŭjem, tamu kiraŭnika BNF pieraviali ŭ turemnuju balnicu na Vaładarskaha.