Jak spynić vypadzieńnie vałasoŭ paśla kavidu?
18.11.2021 / 10:35
Karanavirus niehatyŭna ŭpłyvaje na sasudzistuju sistemu arhanizmu. Voś što raić vykarystoŭvać suprać vypadzieńnia vałośsia namieśnik hałoŭnaha doktara pa miedycynskaj častcy staličnaj 1-j centralnaj rajonnaj kliničnaj palikliniki Natalla Fiłonava:
«Preparaty z cynkam i sielenam. Jany musiać dapamahčy. Vałasy z časam adnoviacca. U cełym dla ich zdaroŭja nieabchodna padtrymlivać aptymalny ŭzrovień žaleza, falijnaj kisłaty i vitamina V12 u arhaniźmie».
Taksama Fiłonava padkreśliła, što adnaŭleńnie paśla pieraniesienaha kavidu zajmaje niamała času. Najlepšym sposabam praduchileńnia zachvorvańnia, na dumku miedyka, źjaŭlajecca pryščepka.