Mahčyma, navukoŭcy razhadali sakret kołcaŭ Saturna
16.09.2022 / 17:47
Pryhožyja kołcy i nachilenaja voś robiać Saturn samaj efiektnaj płanietaj Soniečnaj sistemy. Siońnia navukoŭcy prapanujuć svaju teoryju nakont taho, adkul u hetaha hazavaha hihanta taki vyhlad.
Fota: flickr.com
Jak ličać vučonyja z Masačusieckaha technałahičnaha instytuta i Kalifarnijskaha ŭniviersiteta ŭ Bierkli, kołcy Saturna mohuć być reštkami źnikłaha staražytnaha spadarožnika, piša CNN.
Pavodle NASA, u Saturna zaraz 82 spadarožniki. Daśledčyki vykazali zdahadku, što kaliści na jaho arbicie moh znachodzicca vielizarny miesiac, jaki kruciŭsia vakoł Saturna niekalki miljardaŭ hadoŭ.
Ale prykładna 160 miljonaŭ hadoŭ tamu spadarožnik zanadta nabliziŭsia da płaniety, i ŭ vyniku jaho razarvała na častki. Mahčyma, 99% miesiaca prahłynuŭ sam hazavy hihant, a reštki spadarožnika zastalisia na arbicie i ź ciaham času razłamalisia na maleńkija źmiorzłyja kavałki rečyva, jakija i ŭtvaryli kolcy Saturna.
Raniej vučonyja vyśvietlili, što prykładny ŭzrost kołcaŭ, chacia pa im i niama adzinadušnaj zhody, składaje 100 miljonaŭ hadoŭ, to-bok jany našmat maładziejšyja za samu płanietu. Novaje daśledavańnie ŭpieršyniu prapanuje dobraje tłumačeńnie taho, jak tak adbyłosia.