Chierson zataplaje — u metach biaśpieki abiastočyli mikrarajon
6.06.2023 / 8:51
U mikrarajonie Karabieł u Chiersonie vyklučyli elektrazabieśpiačeńnie ŭ suviazi z padtapleńniem, jakoje ŭźnikła ŭ vyniku padryvu Kachoŭskaj HES rasiejcami.
Zatoplenyja budynki ŭ Chiersonie. Skrynšot videa «Suśpilnaha»
«Mikrarajon Karabieł u Chiersonie abiastočany, praź niekalki hadzin taksama adklučać hazazabieśpiačeńnie ŭ metach biaśpieki», — zajaviŭ kiraŭnik Chiersonskaj haradskoj vajennaj administracyi Raman Mročka.
Bolš składanaja situacyja budzie na levym bierazie Chiersonščyny, dzie znachodziacca rasijskija vojski.
Levy bierah raźmieščany nižej.
«Zrazumieŭšy, što narabili, ciapier sami evakujujucca. Bo pierš za ŭsio paciarpić levy bierah, pakolki jon hieahrafična znachodzicca nižej», — skazała śpikier apieratyŭnaha kamandavańnia «Poŭdzień» Natalla Humianiuk u efiry telemarafonu.
Čytajcie taksama:
Rasiejcy ŭzarvali dambu Kachoŭskaj HES. Idzie terminovaja evakuacyja
«Ni vadoj, ni rakietami nie spynić Ukrainy». Zialenski prakamientavaŭ padryŭ damby Kachoŭskaj HES