Vajna

Ukraincy rakietnym udaram źniščyli načalnika štaba 35-j armii

Za jaho plačyma — Prydniastroŭje i Tadžykistan.

Siarhiej Haračaŭ

U vyniku rakietnaj ataki USU zahinuŭ načalnik štaba 35-j ahulnavajskovaj armii hienierał-major Siarhiej Haračaŭ, pišuć rasijskija miedyja.

35-ja ahulnavajskovaja Čyrvanaściažnaja armija — abjadnańnie Uschodniaj vajskovaj akruhi Suchaputnych vojskaŭ RF. Upraŭleńnie armii dysłakujecca ŭ Biełahorsku na Amury.

Haračaŭ słužyŭ sałdatam u Kiravabadskaj pavietrana-desantnaj dyvizii, kamandavaŭ raźviedrotaj, a zatym parašutna-desantnym bataljonam u 76-j dyvizii. Uznačalvaŭ rasijski kantynhient u Prydniastroŭi, kamandavaŭ vajskovaj bazaj u Tadžykistanie, navučalnym centram u Chabaraŭsku.

Padčas uvarvańnia va Ukrainu byŭ kamandziram 5-j asobnaj tankavaj bryhady, «vyras» da namieśnika kamandujučaha 35-j asobnaj armii, byŭ pryznačany načalnikam štaba armii.

Čytajcie taksama:

Ukrainski kontrnastup: vyzvalena ŭžo siem nasielenych punktaŭ — Minabarony

U Kryvym Rohu rakieta trapiła ŭ šmatpaviarchovik, jość zahinułyja

Kamientary da artykuła