Vajna

Ukrainskaje Minabarony havoryć pra ciažkuju situacyju na ŭschodzie

Namieśnica ministra abarony Ukrainy Hanna Malar paviedamiła, što vorah padciahnuŭ siły na ŭschodzie, adnak ukrainskija abaroncy nie dajuć jamu prasoŭvacca, pra heta piša «Ukrainskaja praŭda».

Hanna Malar. Skrynšot ź videa «Ukrainskaj praŭdy»

«Na ŭschodzie ciapier składanaja situacyja. Vorah padciahnuŭ svaje siły i aktyŭna nastupaje na Limanskim i Kupianskim kirunkach, sprabujučy pierachapić u nas inicyjatyvu. Fiksujecca vysokaja aktyŭnaść varožych abstrełaŭ. Praciahvajucca haračyja bai. Našy vojski mužna dziejničajuć va ŭmovach pieravahi voraha ŭ siłach i srodkach i nie dajuć vorahu prasoŭvacca», — adznačyła Hanna Malar.

Čynoŭnica dadała, što vorah nie pakidaje svaich płanaŭ vyjści na miežy Danieckaj i Łuhanskaj abłaściej — ciapier heta asnoŭny kirunak nastupu akupantaŭ. Pavodle jaje słoŭ, vorah skancentravaŭ na ŭschodzie značnuju kolkaść svaich padraździaleńniaŭ, u pryvatnaści desantna-šturmavych.

Jak adznačajuć krynicy «Ukrainskaj praŭdy» siarod vajskoŭcaŭ, nastupalnyja dziejańni rasijan na Limanskim kirunku pakul nie majuć pośpiechu. Stračanyja z ukrainskaha boku pazicyi tut ža adbivajucca.

Najmacniejšyja ŭdary rasijan prypadajuć na rajon Torskaha (10 km ad Limana na ŭschod) i na les, jaki znachodzicca na poŭdzień ad Kramiannoj.

Čytajcie taksama:

Hienierał Załužny apublikavaŭ videa z asnoŭnymi momantami vyzvaleńnia Piacichatak

Kontrnastup: ukraincy ŭžo vyzvalili vosiem nasielenych punktaŭ — Minabarony

«Nivodny Patriot va Ukrainie nie źniščany». Zialenski abviarhaje Pucina

Kamientary da artykuła