Sport

U BATE značna źnizili zarobki — «Trybuna»

U futbolnym BATE majecca zapazyčanaść pierad futbalistami, i jana datyčyć zarobkaŭ: hulcy nie bačyli hrošaj pa kantrakcie ŭžo paru miesiacaŭ.

Fota: fcbate.by

Niekatoryja futbalisty z hetaj nahody źviartalisia niepasredna da kiraŭnika kłuba Andreja Kapskaha, kab vyśvietlić, jak i kali situacyja vyrašycca. Kiraŭnik ad kankretnych abiacańniaŭ ustrymaŭsia, piša «Trybuna».

Nu, a paśla parazy ad «Słucka» (0:1) 4 červienia kalektyvu było abvieščana pra značnaje źnižeńnie zarobkaŭ — u razy.

Pa źviestkach krynic «Trybuny», dajšło da taho, što tyja futbalisty, jakija atrymlivali vosiem tysiač rubloŭ, buduć hulać za paŭtary-dźvie tysiačy.

Zroblena heta i ŭ jakaści pakarańnia, i ŭ metach ekanomii. Ci časovaja hetaja miera, vyśvietlić nie ŭdałosia.

Ciapier u čempijanacie krainy BATE idzie na 5-m miescy, adstajučy na 12 ačkoŭ ad pieršaha miesca i na 9 — ad treciaha.

Čytajcie taksama:

Siaredzina tablicy i daŭhi. Jak žyvie niekali zorny BATE

Vyznačyŭsia supiernik BATE ŭ pieršym raŭndzie kvalifikacyi Lihi čempijonaŭ

Kryšcijanu Ranałdu staŭ pieršym u historyi futbalistam, jaki zhulaŭ 200 matčaŭ za zbornuju

Kamientary da artykuła