Ctan zdaroŭja Mikoły Statkieviča ŭ kałonii pahoršyŭsia — «Pozirk»
28.07.2023 / 13:52
Stan zdaroŭja asudžanaha na 14 hadoŭ kałonii asablivaha režymu palityka ŭ Hłybockaj kałonii pahoršyŭsia, pra heta raspaviała «Pozirku» krynica, blizkaja da jahonaj siamji.
Mikoła Statkievič. Leta 2019 hoda. Fota: «Naša Niva»
Krynica patłumačyła, što atrymać bolš infarmacyi pra stan palitźniavolenaha faktyčna niemahčyma praz umovy jahonaha ŭtrymańnia: bolšuju častku času Statkievič znachodzicca ŭ adzinočnaj kamiery va ŭmovach asablivaha režymu i bačyć ludziej, tolki kali adtul jaho pieravodziać u štrafny izalatar.
Infarmacyi pra Statkieviča niama ŭžo 168 dzion, načalnik papraŭčaj kałonii №13, dzie jon adbyvaje pakarańnie, spasyłajecca na kiepskuju pracu «Biełpošty», paviedamiła 27 lipienia ŭ fejsbuku jahonaja žonka Maryna Adamovič.
Pavodle słoŭ Adamovič, u jaje asabista da «Biełpošty» pretenzij niama.
Žonka palityka taksama nahadała, što raniej viarnuli miedyčnuju banderol, patłumačyŭšy heta tym, što «niama zajavy».
Čytajcie taksama:
«Malusia ab cudzie». Maryna Adamovič pra adsutnaść viestak pra Mikołu Statkieviča