Ukrainskija vajskoŭcy teścirujuć novy bieśpiłotnik
8.08.2023 / 12:19
Paśla tyłavych vyprabavańniaŭ novy ŭkrainski BPŁA SpyGun pieradali dla testavańnia ŭ zonu bajavych dziejańniaŭ. Jon pryznačany dla hłybinnaj raźviedki, ale pry nieabchodnaści jaho možna vykarystoŭvać i dla karekciroŭki ahniu, tłumačać u Hałoŭnym upraŭleńni raźviedki.
Fota: Hałoŭnaje ŭpraŭleńnie raźviedki Minabarony Ukrainy
BPŁA stvaryli ŭkrainskija inžyniery i prajekciroŭščyki pa inicyjatyvie pradprymalnika i vałanciora Juryja Holika i tenisista, a ciapier vajskoŭca USU Siarhieja Stachoŭskaha, piša «Ukrainskaja praŭda».
Kompleks składajecca z dvuch bieśpiłotnych latalnych aparataŭ i naziemnaj stancyi kiravańnia.
Dziakujučy sučasnaj sistemie radyjokiravańnia z vysokim uzroŭniem abarony ad pieraškod REB, samalot-raźviedčyk zdolny pracavać na dalokaści da 50-ci kiłamietraŭ.
Bieśpiłotnik SpyGun abstalavany sistemaj aŭtamatyčnaha viartańnia da miesca ŭźlotu, a vysokija aeradynamičnyja charaktarystyki dazvalajuć jamu płaniravać abranym maršrutam z vyklučanym ruchavikom, ekanomiačy zarad akumulatara.
- Čas palotu biez pasadki — 120—160 chvilin.
- Maksimalnaja vyšynia palotu — 1 500 m.
- Rabočaja vyšynia — 500—600 m.
- Chutkaść — 90 km/h.
- Kamiery — kursavaja anłajn i GoPro.
Zapis fota i videa ažyćciaŭlajecca na bartavy nośbit.
BPŁA SpyGun adnosna niedarahi i nieskładany ŭ vytvorčaści z prostym dyzajnam korpusa, što robić «špijona» nieprykmietnym u niebie padčas pracy, adznačajuć u HUR.