U Minsku i vakolicach źjaviacca čatyry novyja dziciačyja sadki: dzie i kali
14.08.2023 / 11:58
Namieśnik staršyni Minharvykankama Alaksandr Černikaŭ u intervju «Minsk-Navinam» raspavioŭ pra dziciačyja sadki, jakija pabudujuć u stalicy i jaje vakolicach u najbližejšy čas.
Sad na vulicy Čurlonisa
Usiaho ich budzie čatyry. Dziciačyja sadki ŭzvodziać u rajonach, jakija aktyŭna zabudoŭvajucca. Adzin ź ich raźmieścicca ŭ mikrarajonie Družba (na vulicy Čurlonisa), druhi — u Navinkach.
Pa adnoj daškolnaj ustanovie źjavicca ŭ Sokale i horadzie-spadarožniku Smalavičach. Uvieści ŭ ekspłuatacyju ŭsie hetyja abjekty płanujuć da kanca hetaha hoda.
Taksama da 1 vieraśnia ŭ Minsku adkryjecca niekalki škoł paśla kapramontu, ale novych da navučalnaha hoda nie źjavicca. Pra heta zajaviŭ namieśnik staršyni kamiteta adukacyi Minharvykankama Hleb Łaŭrynovič.
Adna novaja škoła na 720 miescaŭ adkryjecca ŭ Sienicy (Minski rajon).
U Zavodskim rajonie paśla kapramontu znoŭ prymie dziaciej škoła №210, u Maskoŭskim — abnoŭlenaja himnazija №146.
A voś doŭhačakanuju škołu ŭ mikrarajonie Lebiadziny (na 1020 miescaŭ) dabudujuć u 2024 hodzie.