Izrail uvajšoŭ u balnicu «Aš-Šyfa», dzie moža znachodzicca kamandny punkt bajevikoŭ CHAMAS
15.11.2023 / 7:31
Dakładnych źviestak, kolki ludziej znachodzicca na terytoryi najbujniejšaha ŭ siektary Haza balničnaha kompleksu, niama.
Fota: Maxar
Infarmacyja pra toje, što adbyvajecca ŭ balnicy «Aš-Šyfa», dzie izrailskaja armija hetaj nočču pravodzić apieracyju suprać CHAMAS, pakul vielmi biednaja i adryvačnaja. Adzin z daktaroŭ balnicy skazaŭ, što na terytoryi balničnaha kompleksu znachodziacca izrailskija tanki i buldoziery, piša Bi-bi-si.
Miascovyja supracoŭniki Suśvietnaj arhanizacyi achovy zdaroŭja ŭ aŭtorak kazali, što ŭ balnicy znachodziacca kala 700 pacyjentaŭ, 400 čałaviek piersanału i try tysiačy miascovych žycharoŭ, jakija chavajucca ad bajavych dziejańniaŭ — usiaho 4100 čałaviek.
Dniom raniej padkantrolnaje CHAMAS Ministerstva achovy zdaroŭja siektara Haza abviaściła, što ŭ «Aš-Šyfie» znachodziacca nie mienš za 2300 čałaviek: 600-650 pacyjentaŭ, 200-250 supracoŭnikaŭ i kala paŭtary tysiačy miascovych žycharoŭ, uciekačoŭ ad bajoŭ.
Izrailskaja armija ŭ noč na sieradu abviaściła, što pierad pačatkam apieracyi ŭ «Aš-Šyfie» adkryła kalidor dla vychadu cyvilnych asob.
Karespandent telekanała Al Jazeera paviedamiŭ, što ŭ hałoŭnym dvary balnicy «Aš-Šyfa» stajać izrailskija tanki, a sałdaty izrailskaj armii zajšli ŭ adzin z karpusoŭ balnicy.
Paviedamleńniaŭ ab jakich-niebudź sutyčkach i stralbie ŭnutry balnicy pakul niama.
Pres-sakratar Minizdaroŭja Hazy skazaŭ, što izrailskija sałdaty abšukvajuć padvały. Izrail i ZŠA śćviardžajuć, što pad balnicaj «Aš-Šyfa», najbujniejšaj u siektary Haza, raźmieščany padziemny kamandny punkt CHAMAS.
Razam z tym izrailskija sałdaty pakul nie ŭvajšli ŭ hałoŭny budynak balnicy.
Kompleks «Aš-Šyfy» składajecca z šaści karpusoŭ.
U sacsietkach raspaŭsiudžvajecca nievieryfikavanaje videa, jak śćviardžajecca, z kalidoraŭ «Aš-Šyfy», u jakich kryčać mnostva ludziej — siarod ich vielmi šmat maładych biazzbrojnych mužčyn.
Čytajcie taksama:
CACHAŁ: izrailskija vojski zachapili niekalki administracyjnych budynkaŭ CHAMAS u horadzie Haza
CACHAŁ zajaviŭ, što CHAMAS adstupiŭ z poŭnačy Hazy i moža vyzvalić zakładnikaŭ