BIEŁ Ł RUS

Hramadstva

Biełarusaŭ, jakich litoŭcy pryznali pahrozaj nacyjanalnaj biaśpiecy, užo 1644

22.11.2023 / 17:12

Nashaniva.com

Litva ź listapada minułaha hoda pryznała 1644 biełarusaŭ pahrozaj nacyjanalnaj biaśpiecy, paviedamlaje Departamient mihracyi pry MUS Litvy.

Ź listapada minułaha hoda 562 biełarusam było admoŭlena ŭ dazvole na žycharstva ŭ Litvie, a 343 biełarusam było vyrašana jaho nie praciahvać. Taksama było pryniata 450 rašeńniaŭ ab anulavańni DNŽ, vydadzienych biełarusam.

Dvojčy biełaruskim hramadzianam admaŭlali ŭ vydačy pastajannaha vidu na žycharstva ŭ Litvie, 8 razoŭ prymalisia rašeńni ab anulavańni takich dakumientaŭ. Jašče 279 biełarusam było admoŭlena ŭ atrymańni nacyjanalnaj litoŭskaj vizy.

Bolšaść rašeńniaŭ byli pryniatyja paśla zapaŭnieńnia śpiecyjalnaj ankiety, u jakoj jość pytańni ab staŭleńni da vajny va Ukrainie i prynaležnaści Kryma. Akramia taho, u joj jość pytańni ab kantaktach sa śpiecsłužbami, słužbie ŭ vojsku ci siłavych viedamstvach i hetak dalej.

U žniŭni hetaha hoda paviedamlałasia, što pahrozaj nacyjanalnaj biaśpiecy byli pryznanyja 910 biełarusaŭ.

Čytajcie taksama:

Biełarusaŭ abaviažuć paviedamlać u MUS pra inšaziemnych haściej, navat kali tym nie patrebnaja rehistracyja

Biełarusy — lidary siarod pracaŭładkavanych u Litvie inšaziemcaŭ u 2023 hodzie

Treba raz i nazaŭsiody spynić razvažańni pra «viartańnie Vilni» — Rudkoŭski

Čytajcie taksama:

Kamientary da artykuła