Ad redakcyi

Aściarožna! Vorahi pišuć ludziam pad vyhladam žurnalistaŭ «Našaj Nivy»

Viadoma pra niekalki vypadkaŭ za apošni čas, kali ludziam pisali pad vyhladam žurnalistaŭ «Našaj Nivy» z ananimnych ci fejkavych akaŭntaŭ.

U niekatorych ludziej tak sprabavali vypytać infarmacyju, u tym liku ab hramadskaj dziejnaści i znajomych. Siarod inšych, pad vyhladam žurnalista «Našaj Nivy» pisali znajomym chłopca spartoŭki Kryściny Cimanoŭskaj. Pra inšyja vypadki my paviedamić nie možam ź mierkavańniaŭ biaśpieki ludziej.

Chto staić za hetymi paviedamleńniami, nam nieviadoma. Zaŭvažym, što chłopca Cimanoŭskaj raniej ačarniali łukašysckija kanały.

Budźcie ŭvažlivyja. Kab upeŭnicca, što vam piša naš reparcior, možacie źviarnucca ŭ redakcyjny akaŭnt «Našaj Nivy» @nn_editor ci na poštu nivanasha@proton.me. Ale majcie na ŭvazie, što našy redakcyjnyja kantakty — tolki takija, a nie jakija inšyja. Źviarajcie palitarna, ci vam pišuć z sapraŭdnych akaŭntaŭ «NN», ci nie.

Kamientary da artykuła