Zdareńni

U Pieciarburhu hareŭ čarhovy biełaruski aŭtobus

Pieršy ŭ novym hodzie.

Aŭtobus źniali na videa ŭ Kalininskim rajonie Pieciarburha. Kiroŭca paśpieŭ sam spravicca z ahniom, piša fontanka.ru.

Błakitny aŭtobus z połymiem na dachu pieciaburžcy nazirali na vulicy Rustavieli 3 studzienia. Transpart naležyć «Domtransaŭta».

U kampanii ŭdakładnili, što adbyłosia ŭzharańnie adpracavanych hazaŭ. U hety momant pasažyraŭ u sałonie nie było. Ź niaštatnaj situacyjaj kiroŭca spraviŭsia pry dapamozie vohnietušyciela.

Biełaruskija aŭtobusy harać u Rasii, asabliva ŭ Sankt-Pieciarburhu, z zajzdrosnym pastajanstvam, a niadaŭna anałahičny vypadak byŭ u Minsku.

Heta pytańnie abmiarkoŭvałasia na ŭzroŭni Łukašenki. Toj abvinavaciŭ rasijski bok u niekampietentnaj ekspłuatacyi techniki i namiaknuŭ na dyviersii z boku kankurentaŭ.

Čytajcie taksama:

Čamu ŭ Pieciarburhu masava harać novyja aŭtobusy MAZ? Nastupstvy sankcyj

«Kankurenty nas pačynajuć prydušvać». Łukašenka prakamientavaŭ situacyju ź biełaruskimi aŭtobusami, jakija harać u Sankt-Pieciarburhu

U Samary zhareŭ zusim novy biełaruski tramvaj

Ź biełaruskimi tralejbusami prablemy ŭ Rasii: advalvajucca «rohi»

Kamientary da artykuła