Надвор'е

У Фінляндыі зафіксавалі самую нізкую тэмпературу ў XXI стагоддзі. У краіне адмяняюць цягнікі

Рэкорд нізкай тэмпературы гэтай зімы быў зноў пабіты. У ноч на пятніцу на аэрадроме Энантэкіё (на мяжы з Нарвегіяй) тэмпература склала -44,3 градуса, піша Yle.fi.

Камуна Энантэкіё — адзіная ў Фінляндыі, дзе ёсць Скандынаўскія горы. Фота: Wikimedia Commons

Тэмпературны рэкорд у чацвер абнаўляўся ўжо некалькі разоў.

У Фінляндыі тэмпература ніжэй за 42 градусы была зарэгістраваная на працягу 2000-х гадоў толькі тры разы.

Нацыянальная чыгуначная кампанія VR паведамляе, што адмяняе некаторыя цягнікі далёкага накіравання ў выходныя з-за моцных маразоў.

У пятніцу, суботу і нядзелю будзе адменена каля 20 цягнікоў у дзень.

Большая частка адмененых цягнікоў тычыцца напрамкаў Хельсінкі — Купітаа, Тампэрэ-Поры, а таксама Сейняйёкі-Васа, у паўднёвай часткі краіны.

Адмененыя рэйсы заменяць аўтобусамі або перанясуць паездкі пасажыраў на наступныя цягнікі.

Чытайце таксама:

Сіноптыкі паабяцалі ўзмацненне маразоў

Вам холадна? У Швецыі ўчора зафіксавалі -43,6°С

Жыхарам Варонежа адключылі ацяпленне. А там маразы пад мінус 20°С

Што рабіць у выпадку пераахаладжэння? Парады ад ратавальнікаў

Каментары да артыкула