Hramadstva

EHU budzie pryznany «ekstremisckaj» arhanizacyjaj — ANT

Ab tym, što EHU nieŭzabavie pryznajuć «ekstremisckaj» arhanizacyjaj, zajaviŭ prapahandyst Ihar Tur.

Ściahi na budynku Jeŭrapiejskaha humanitarnaha ŭniviersiteta. Fota: Naša Niva

U prahramie «Budzie dapoŭniena…» na ANT Ihar Tur zajaviŭ pra toje, što Jeŭrapiejski humanitarny ŭniviersitet z-za niedachopu finansavańnia źbirajecca pajści ŭ kałabaracyju z Ofisam Śviatłany Cichanoŭskaj.

Pa słovach Tura, afilavańnie Ofisa i EHU — tolki pytańnie času, taksama jak i pryznańnie EHU ŭ Biełarusi ekstremisckaj arhanizacyjaj.

Ihar Tur padčas efiru. Skryn videa ont_by / YouTube

Prapahandyst źviarnuŭsia da studentaŭ:

«EHU daŭno pierastaŭ być VNU, a staŭ prosta destruktyŭnaj NKA (niekamiercyjnaj arhanizacyja — NN). Vy ŭsio roŭna apynieciesia ŭ punkcie, kali źjavicca zakon. A padabajecca jon vam ci nie, nie maje sensu. Vy jaho abo parušycie i paniesiacie pakarańnie, abo paśpiejecie zabrać dakumienty i ad hetaha EHU adchryścicca. I času ŭ vas, pa adčuvańniach, zastałosia vielmi i vielmi mała».

Čytajcie jašče:

«Kala 60% zaniatkaŭ idzie pa-rasiejsku, 2% — pa-biełarusku». Spytali rektara EHU pra charasmient, stypiendyi i demakratyju

Vykładčyka Sialeckaha zvolnili ź EHU. Raniej jaho abvinavačvali ŭ charasmiencie

Kamientary da artykuła