Vyjšła ŭnikalnaja kniha, jakuju možna čytać adnačasova i źleva naprava, i sprava naleva
16.01.2024 / 12:12
Heta kniha Fieliksa Batoryna «Dźvie movy adnoj dušy», što vyjšła ŭ vydaviectvie Hochroth Minsk.
Asablivaść jaje ŭ tym, što heta dźvie knihi pad adnoj vokładkaj.
Adna čytajecca źleva naprava, inšaja — sprava naleva. Na biełaruskaj i na idyšy, paviedamlaje «Supołka biełaruskich piśmieńnikaŭ».
Pa słovach kaardynatara prajekta Dźmitryja Strocava, knihu Fieliksa Batoryna rychtavali bolš za paŭhady. Admysłovaja ciažkaść była z vyčytkaj i karekturaj tekstaŭ na idyšy.
Fieliks Batoryn (Chajmovič) naradziŭsia ŭ 1948 hodzie. Jon syn byłoha viaźnia Minskaha hieta i partyzana Barysa Chajmoviča.