Dzima Biłan pryjechaŭ u «DNR»
16.01.2024 / 17:53
Dzima Biłan pryjechaŭ z padarunkami ŭ anieksavanuju «DNR». Try tydni tamu jon prasiŭ prabačeńnia za ŭdzieł u tak zvanaj «hołaj» viečarynie.
Jak paviedamlajuć danieckija pabliki, śpiavak naviedaŭ dziciačaje adździaleńnie traŭmatałohii ŭ Daniecku i pieradaŭ dzieciam padarunki. Taksama Biłan paabiacaŭ dapamahčy ź lačeńniem i pratezavańniem udzielnikam rasiejskaha ŭvarvańnia va Ukrainu i pieradaŭ dziciačamu sacyjalnamu centru ŭ Horłaŭcy kandycyjaniery.
Taksama jon pieravioŭ try miljony rubloŭ prytułku dla biazdomnych žyvioł, a ź inšaha prytułku ŭ Makiejeŭcy zabraŭ kata pa mianušcy Šachcior.
20 śniežnia 2023 hoda Dzima Biłan udzielničaŭ u «amal hołaj» viečarynie Naści Iŭlejevaj u kłubie «Mutabor». Paśla taho, jak na mierapryjemstva paskardzilisia praŭładnyja aktyvisty, jaho hości i arhanizatary pačali masava zapisvać videa z vybačeńniami.
Dzima Biłan viadomy svajoj padtrymkaj vajny va Ukrainie. U sakaviku 2022 hoda Biłan apublikavaŭ post, u jakim nahadaŭ pra svoj patryjatyzm i zajaviŭ na fonie vajny, što hanarycca i zachaplajecca Rasiejaj.
Artyst pradstaŭlaŭ Rasieju na konkursie pieśni «Jeŭrabačańnie»: u 2006 hodzie zaniaŭ druhoje miesca, a ŭ 2008 hodzie staŭ pieramožcam konkursu.
Čytajcie taksama:
Rasijski Pieršy kanał vyrazaŭ Kirkorava
Vakalist rasijskaha hurta vyjšaŭ na scenu ŭ adnoj škarpetcy. Pryčym jana była nie na nazie
«U nas Ejsmantu možna ŭsio?» Bondarava atakavała kiraŭnika BT za navahodni kancert