Жыхар Гомельшчыны памёр ад 6,6 праміле алкаголю ў крыві. Гэта антырэкорд?
22.01.2024 / 15:20
Судовы эксперт устанавіў прычыну смерці жыхара Жыткавіцкага раёна, якога выявілі без прыкмет жыцця сваякі. Выпадак адбыўся ў адной з вёсак. Брыгада хуткай медыцынскай дапамогі, якая прыбыла па выкліку, канстатавала смерць мужчыны.
Фота: sudexpert.gov.by
Напярэдадні ён ездзіў у Жыткавічы і па вяртанні ў вёску, знаходзячыся ў стане алкагольнага ап'янення, прасіў аднавяскоўцаў пачаставаць яго алкаголем.
Высветлілася, што прычынай смерці 34-гадовага мужчыны стала атручэнне алкаголем. Канцэнтрацыя этылавага спірту ў яго крыві апынулася несумяшчальнай з жыццём — 6,6 праміле.
Цяжкая ступень вострай інтаксікацыі, выкліканая ўжываннем алкаголю, пры якой магчымая смерць, ужо надыходзіць пры канцэнтрацыі этылавага спірту ў крыві ад 3 да 5 праміле, паведамляе Дзяржаўны камітэт судовых экспертыз.