U navapołackaj kałonii viaźniam dazvolili akunucca ŭ kupiel
22.01.2024 / 16:8
Dla hetaha na vulicy śpiecyjalna ładziać mini-basiejn z došak i polietylenu.
U navapołackaj VK-1 na śviata Vadochryšča źniavolenym dazvolili ździejśnić abrad abmyvańnia ŭ kupieli, paviedamlaje Mayday.team.
Na terytoryi papraŭčaj ustanovy dziejničaje chram u honar abraza Božaj Maci «Žyrovickaj» i Sierafima Saroŭskaha, jaki mohuć naviedvać asudžanyja. Akramia taho, pracuje hurtok duchoŭna-maralnaha vychavańnia.
Turemnaje słužeńnie na terytoryi VK-1 arhanizuje Połackaja jeparchija. 19 studzienia častcy asudžanych administracyja kałonii znoŭ dazvoliła paŭdzielničać u malebnie i pravieści chresny chod da kupieli, śpiecyjalna zbudavanaj na vulicy na terytoryi VK-1. Achvotnym dazvolili akunucca.
Turemnaje słužeńnie ŭ kałonii adnaviłasia sa studzienia 2021 hoda paśla pierapynku.