Грамадства

Як мінімум 224 чалавекі трапілі пад пераслед падчас масавага хапуну сваякоў палітвязняў

Праваабарончы цэнтр «Вясна» чарговы раз удакладніў звесткі па колькасці людзей, якія тым ці іншым чынам пацярпелі падчас маштабнага хапуну, зладжанага лукашэнкаўскім сілавікамі 23-24 студзеня і скіраванага супраць былых палітвязняў і іх сваякоў.

Некалькі дзясяткаў чалавек асудзілі паводле адміністрацыйных спраў, прытым некаторых асудзілі да штрафаў паводле ч. 2 арт. 24.15 КаАП — «выкарыстанне замежнай бязвыплатнай дапамогі для ажыццяўлення тэрарыстычнай і іншай экстрэмісцкай дзейнасці або іншых дзеянняў, забароненых заканадаўствам». Гэты артыкул раней у Беларусі не выкарыстоўваўся.

Некалькі чалавек былі затрыманыя ў межах крымінальных спраў. Папярэдне, людзям інкрымінуюць арт. 361-1 (удзел у экстрэмісцкім фармаванні) і арт. 361-4 (садзейнічанне экстрэмісцкай дзейнасці).

Абсалютная большасць затрыманых — жанчыны.

Чытайце таксама:

За распаўсюд «экстрэмізму» аштрафавалі настаўніцу з Мёраў

Хлопца з Петрыкава будуць судзіць па дванаццаці палітычных артыкулах. Магчыма, ён нядаўна вярнуўся з-за мяжы

Чацвёрты раз запар арыштавалі ўдзельніка нафтанаўскай стачкі

Каментары да артыкула