Ekanomika

Łukašenka ŭziaŭsia za Nacbank

Kantrol za rabotaj Nacyjanalnaha banka budzie ŭzmacniacca, zajaviŭ Alaksandr Łukašenka, zasłuchoŭvajučy siońnia dakład ab rabocie bankaŭskaj sistemy.

«Jak vy razumiejecie, Pavieł Uładzimiravič [staršynia praŭleńnia Nacbanka Kałaur], pa-za kantrolem Nacyjanalny bank być nie moža. Kantrol ažyćciaŭlajecca prezidentam, i vy, napeŭna, zaŭvažyli, što ŭ suviazi z pryznačeńniem novych asob u finansava-ekanamičnym błoku hety kantrol budzie ŭzmacniacca», — skazaŭ Łukašenka.

Jon uzhadaŭ pryznačeńnie bankira Alaksandra Jahorava namieśnikam kiraŭnika svajoj Administracyi, da taho ž, dadaŭ Łukašenka, jon padklučyć Kamitet dziaržaŭnaha kantrolu.

Łukašenka skazaŭ, što Nacbank «u asnoŭnym svaje funkcyi vykonvaje», ale «heta nie značyć, što niama ŭ hetym płanie prablem». 

Čytajcie taksama:

Biełstat: VUP Biełarusi za dva miesiacy vyras na 4 pracenty

Łukašenka pryznačyŭ bankira namieśnikam kiraŭnika svajoj administracyi

Ciapier aficyjna. Stała viadoma, z čaho składajecca biełaruskaja častka novaha pakieta sankcyj ES suprać Rasii

Kamientary da artykuła