Vajna

Zialenski daŭ intervju, u jakim uspomniŭ i pra Biełaruś 

Prezident Ukrainy Uładzimir Zialenski daŭ intervju ŭ efiry nacyjanalnaha telemarafona, u jakim siarod inšaha prakamientavaŭ mahčymaść napadu z boku Biełarusi i zapeŭniŭ, što hetamu budzie dadzieny dastojny adpor.

Skrynšot ź videa

Uładzimir Zialenski padkreśliŭ, što Ukraina nie chavaje ŭźviadzieńnia linij abarony na miažy ź Biełaruśsiu.

«Što tyčycca biełaruskaha napramku, toje, što my budujem rubiažy — heta nie tajamnica. I rasiejcy taksama pavinny viedać. I biełarusy taksama abo rasiejcy na terytoryi Biełarusi, skažam tak, pavinny viedać: tak, tut jość rubiažy, tak, tut buduć try mahutnyja linii abarony i tut jość vojska. Jany heta pavinny viedać.

I toje, što tut jość i «zuby cmoka», i supraćtankavyja ravy — usio heta treba viedać, tajamnic niama. Dziakujučy sučasnaj technicy ŭ ich i tak heta ŭsio jość, skažam adkryta, ale, tym nie mienš, chavać heta nie treba, tamu što jany pavinny viedać, što budzie adpor. I hramadstva naša, naprykład, Čarnihaŭščyna, pavinna viedać, što tut mahutnaja abarona.

Što tyčycca stratehii, to ź Biełarusi my pakul nie bačym nijakich na siońnia płanaŭ, pahroz i mahčymaściaŭ», — zajaviŭ prezident Ukrainy.

Čytajcie taksama:

Druhoha šancu ni Ukrainie, ni Biełarusi Pucin nie pakinie. Što čakaje akupavanyja terytoryi, kali Kijevu nie ŭdasca ich adbić

Stała viadoma, jakija z palitykaŭ najbolš papularnyja i nienavisnyja ŭ Jeŭropie 

Terytoryi ŭ abmien na biaśpieku — mahčymy scenar spynieńnia vajny

Kamientary da artykuła