Леверкузэнскі «Баер» урэшце прайграў — пасля рэкорднай серыі з 51 матча
22.05.2024 / 23:52
Ды як! У фінале Лігі Еўропы, што прайшоў у Дубліне, ён быў разгромлены «Аталантай» з Бергама 0:3.
«Аталанта» ў сіняй форме. Фота: Frank Augstein / AP
Хет-трык на рахунку нігерыйскага форварда Адэмолу Лукмана. Італьянскі клуб стаў пераможцам Лігі Еўропы.
«Баер» не прайграваў 51 матч з самага пачатку сезона: 34 гульні ў чэмпіянаце Германіі (28 перамог і шэсць нічыіх і першае месца з адрывам у 17 балаў), матчы ў Лізе Еўропы і Кубку Германіі.
Сёння гэта казка скончылася.
У суботу «Баер» правядзе свой апошні матч у сезоне. Гэта будзе фінал Кубка Германіі супраць «Кайзерслаўтэрна» з другога дывізіёна.
Чытайце таксама:
56 удараў: у Ізраілі паставілі сусветны рэкорд у серыі пенальці
Беларускі трэнер прыняў у Інданезіі іслам, а цяпер падаўся скараць новую краіну
«Баер» з Леверкузэна ўпершыню ў сваёй гісторыі стаў чэмпіёнам Германіі па футболе
У фінале футбольнай Лігі чэмпіёнаў дортмундская «Барусія» згуляе з мадрыдскім «Рэалам»