Фінляндыя дазволіла Украіне выкарыстоўваць яе зброю на тэрыторыі Расіі
29.05.2024 / 16:55
Украіна можа выкарыстоўваць узбраенні, перададзеныя Фінляндыяй, на тэрыторыях, якія афіцыйна прызнаныя расійскімі. Пра гэта паведаміла кіраўніца МЗС Фінляндыі Эліна Валтанен.
Эліна Валтанен. Фота: Johanna Geron, Pool Photo via AP
«Фінляндыя не ставіла асаблівых абмежаванняў на сваю матэрыяльную дапамогу… Украіна можа атакаваць Расію з дапамогай зброі, перададзенай Фінляндыяй», — цытуе Валтонен выданне Uusisuomi.
На думку міністраркі, краіна, якая вядзе абарончую вайну, можа атакаваць вайсковыя аб'екты на тэрыторыі краіны, якая на яе напала, калі гэта неабходна для самаабароны.