Лукашэнка прызначыў новага кіраўніка АНТ і міністра працы
13.06.2024 / 12:39
Сёння Аляксандр Лукашэнка зрабіў шэраг прызначэнняў.
Ігар Луцкі. Фота: «Наша Ніва»
Наталлю Паўлючэнка Лукашэнка прызначыў міністрам працы і сацыяльнай абароны. Раней яна была першым намеснікам міністра.
Былы функцыянер БРСМ і намеснік міністра інфармацыі Ігар Бузоўскі прызначаны рэктарам Акадэміі кіравання.
Ігар Луцкі стаў старшынёй праўлення ЗАТ «Другі нацыянальны тэлеканал».
Аляксандр Кохан стаў памочнікам Лукашэнкі – інспектарам па Мінскай вобласці.