Hramadstva

Prapahandyst Ihar Tur pa-svojmu patłumačyŭ, čamu Łukašenka represuje niazhodnych

Aŭtarytarny režym inakš nie moža, davodzić Tur.

Skryn videa ANT

Prapahandyst ANT Ihar Tur pierakonvaje, što pryčyna represij u tym, što pratestoŭcy vyjšli na akcyi z patrabavańniami da ŭłady, a «mocnaja ŭłada nie moža dapuskać patrabavańniaŭ da siabie».

«I ŭžo tym bolš — mocnaja ŭłada ni ŭ jakim razie nie pavinna vykonvać jakija-niebudź patrabavańni, navat samyja razumnyja i pravilnyja»,

— piša Tur u svaim telehram-kanale. 

«Patrabavańni ŭ racyjanalna aŭtarytarnaj ułady imhnienna pavinny vyklikać represii ŭ dačynieńni da patrabavalnikaŭ. I sutnaść — nie ŭ ludziach i nie ŭ kankretna ich patrabavańniach. A ŭ zachavańni sistemy, jakaja pastajanna funkcyjanuje ŭ stanie efiektyŭnaha bałansu i stabilnaści», — davodzić prapahandyst.

«Upeŭnieny, što byvaje i tak: Łukašenka choča dapamahčy i źbirajecca admianić niejkaje rašeńnie ŭrada, ale kali chtości pačynaje hučna patrabavać admieny — admiena admianiajecca. Vy prosta hetym «patrabuju!» sami siabie pazbaŭlajecie mahčymaści atrymać toje, što całkam pravilna chočacie atrymać — i zabirajecie ŭ prezidenta instrumienty dapamohi vam. 

Prasić. Prapanoŭvać. Inicyjavać. Vas zaŭsiody pačujuć, vašu pazicyju zaŭsiody daniasuć — prosta nie zaŭsiody ź joj tam zhodnyja», — dadaje Tur. 

Ź im pahadžajecca praŭładny kanał «Hrafač» i dadaje, što takaja ž łohika raspaŭsiudžvajecca na patrabavańni vypuścić palitviaźniaŭ. Maŭlaŭ, čym bolš apazicyja patrabuje vyzvalić ludziej z turmaŭ, tam mienš šancaŭ na heta.

Kamientary da artykuła