Sport

Na «Biełaruś-1» nazvali rašeńnie Sabalenki nie ŭdzielničać u Alimpijadzie niedalnabačnym

«Jašče adnych Hulniaŭ u karjery ŭ jaje moža nie być».

Aryna Sabalenka. Fota: Mike Hewitt / GETTY IMAGES

U pieradačy «Arena» na telekanale «Biełaruś 1» viadoŭca Stanisłaŭ Lipski raskrytykavaŭ rašeńnie Aryny Sabalenki, jakaja vyrašyła admovicca ad vystupleńnia na Alimpijadzie ŭ Paryžy, piša «Priessboł».

— Kamisija Mižnarodnaha alimpijskaha kamiteta robić usio, kab našy i rasijskija atlety vyhladali ŭ Paryžy maksimalna niezaŭvažna. Ale, na žal, chapaje niedalnabačnych rašeńniaŭ i ad samich spartoŭcaŭ. Aryna Sabalenka voś zajaviła, što źmiena pakryćciaŭ kortaŭ paškodzić jaje zdaroŭju. Mahčyma, tak i jość, ale hrafik u pieršaj rakietki śvietu Ihi Švientek nie mienš napružany, a jana svaju radzimu pradstavić. Jak viedać, moža, jašče adnoj Alimpijady ŭ žyćci našaj najmacniejšaj tenisistki i nie budzie…

Pra rašeńnie Sabalenki nie ŭdzielničać u Alimpijadzie ŭ Paryžy, jakaja startuje amal roŭna praź miesiac, stała viadoma na minułym tydni.

Udzielničać u Hulniach budzie Viktoryja Azaranka, jakaja na Alimpijadzie ŭ Łondanie ŭ 2012 hodzie vyjhrała bronzu ŭ indyvidualnym razradzie i zołata z Maksimam Mirnym u mikście. Bolš biełaruskija tenisisty miedaloŭ na Alimpijadach nie vyjhravali, naprykład, u Tokia-2021 Sabalenka vylecieła ŭ pieršym raŭndzie.

Kamientary da artykuła