У Беларусі з'явіліся яшчэ чатыры «экстрэмісцкія фармаванні», у тым ліку «Обычное утро» і «Ліцвіны»
25.06.2024 / 17:22
На падставе рашэння КДБ ад 18 чэрвеня прызнаныя «экстрэмісцкімі фармаваннямі» грамадская арганізацыя «Білорусь 2.0 Робімо Разам», вайсковы клуб «Ліцвіны», праекты Media IQ і «Обычное утро».
Таксама кэдэбісты пералічылі прозвішчы людзей, якія нібыта маюць дачыненне да вышэйзгаданых ініцыятыў:
- «Білорусь 2.0 Робімо Разам» — Сяргей Бульба (Чыслаў), Таццяна Мартынава, Васіль Верамейчык, Міхаіл Кучараў, Андрэй Кушнераў, Павел Шарапін, Сяргей Юрчанка, Вольга Пашкевіч, Іосіф Дулеба;
- «Ліцвіны» — Сяргей Шалыгін, Сяргей Бародзіч, Міхаіл Мацкевіч, Аляксандр Клачко, Аляксандра Пуцыковіч, Сяргей Чапега;
- «Media IQ» — Надзея Белахвосцік, Аляксей Худанаў, Дар'я Глухава, Павел Быкоўскі, Алена Верашчагіна, Антон Сайфулаеў, Паліна Піткевіч, Аляксей Шунтаў, Ала Шарко, Віктар Малішэўскі;
- «Обычное утро» — Канстанцін Місуна, Людміла Лабунская.