Ватыкан прызначыў лідскага ксяндза Андрэя Зноска біскупам. Роўна год таму яго затрымлівалі сілавікі
19.07.2024 / 14:3
Пробашч касцёла Божай Міласэрнасці прызначаны біскупам Пінскім.
Андрэй Зноска. Фота: catholic.by
Ксёндз з Ліды Андрэй Зноска прызначаны вікарным біскупам Рымска-Каталіцкай Царквы ў Пінску. Аб прызначэнні новага біскупа для Беларусі паведамілі ў Ватыкане.
Роўна год таму, 19 ліпеня 2023 года, Андрэй Зноска быў затрыманы сілавікамі ў Лідзе, нагадала «Хрысціянская візія». Пазней пробашч касцёла Божай Міласэрнасці выйшаў на волю.
Андрэй Зноска з'яўляецца кансультантам Канферэнцыі Каталіцкіх Біскупаў Беларусі па юрыдычных пытаннях і кананічным праве. Ён удзельнічаў у перакладзе Кодэкса Кананічнага права на беларускую мову.