«Davajcie skončym hetuju dračku». Łukašenka znoŭ načapiŭ tohu miratvorca
15.08.2024 / 17:36
15 žniŭnia Alaksandr Łukašenka padčas intervju telekanału «Rasija» siarod inšaha znoŭ zahavaryŭ pra mirnyja pieramovy pamiž Rasijaj i Ukrainaj.
Fota: Getty Images
«Davajcie siadziem za stoł pieramovaŭ i skončym hetuju dračku. Jana ni ŭkrainskamu narodu, ni rasijanam, ni biełarusam nie patrebnaja. Jana patrebna im.
Ja nie mahu pryvieści fakty, dzie jany ŭ adkrytuju kažuć — vysokapastaŭlenyja ludzi. Dasłoŭna: «Chaj bjuć adzin adnaho — ukraincy, ruskija — niachaj u hetym katle ŭsie padochnuć».
Heta vysokapastaŭlenyja asoby pra heta kažuć. Amierykanskaha pachodžańnia», — skazaŭ Łukašenka.
Taksama jon padčas hetaha intervju zajaviŭ, što nie budzie ŭžyvać raźmieščanuju ŭ Biełarusi rasijskuju jadziernuju zbroju, pakul «nie nastupiać na našu dziaržaŭnuju miažu, jana ž — miaža našaj Sajuznaj dziaržavy».