Minimum 5 «šachiedaŭ» zalacieli ŭ Biełaruś, adzin ź ich źnik
3.11.2024 / 15:56
Uviečary 2 listapada ŭ Biełaruś z Ukrainy zalacieła najmieniej 5 rasijskich «šachiedaŭ», paviedamlaje manitorynhavaja hrupa «Biełaruski Hajun».
Pieršy dron zalacieŭ u 21:21 u rajonie vioski Nižnija Žary.
Dalej u 21:39 praz h.p. Kamaryn zajšła hrupa z troch BPŁA, jakija ździajśniali tranzitny pralot nad Biełaruśsiu.
Apošni BPŁA byŭ zaŭvažany ŭ «kalidory» Słavucič — Prypiać u 22:04. Pa stanie na 22:38 jon jašče znachodziŭsia na miažy z RB u Čarnobylskaj zonie.
Pavodle infarmacyi pavietranych sił USU, za noč u Biełaruś palacieŭ i nie viarnuŭsia 1 BPŁA. Vierahodna, havorka idzie mienavita pra apošni dron u 22:38. Pavodle manitorynhavaj hrupy, avijacyja VPS RB nie padymałasia.