Łukašenka prapanavaŭ rasijanam kartelnuju zmovu pa kalii
4.11.2024 / 12:36
Alaksandr Łukašenka prapanuje źnizić zdabyču kalijnych uhnajeńniaŭ. Takuju zajavu jon zrabiŭ, uzhadniajučy pryznačeńnie Andreja Rybakova hiendyrektaram AAT «Biełaruśkalij», piša BiełTA.
«Ja prasiŭ by ciabie prapracavać (ja nie staviŭ hetuju zadaču raniej) pytańnie, z kim heta treba (asabliva z rasijanami), pa zdabyčy. Ja takich cen naohuł nie pamiataju ŭ historyi: vielmi nizkija ceny na kalijnyja ŭhnajeńni, choć praca šachcioraŭ niaprostaja.
Moža być, nam z rasijanami pierahavaryć, paraicca i pracentaŭ na 10, moža, 11, źnizić zdabyču kalijnych uhnajeńniaŭ. Nie toje što deficyt na rynku źjavicca, a ŭsie zrazumiejuć, što heta darahaja pradukcyja i za jaje treba płacić adpaviednyja srodki», — adznačyŭ Alaksandr Łukašenka.