Padatkaviki masava praviarajuć rasijskija kampanii ŭ Biełarusi
18.01.2025 / 21:53
Rasijskija kampanii, jakija pracujuć na biełaruskim rynku, usio čaściej stali akazvacca pad pilnaj uvahaj miascovych padatkovych orhanaŭ. Na trend źviarnuli ŭvahu dziełavyja vydańni Rasii, piša Office Life.
Paśla praviadzieńnia padatkovaj pravierki rasijskija kampanii pryznajuć pastajannymi pradstaŭnictvami zamiežnaj kampanii ŭ Biełarusi. Na biznesy z takim statusam nie raspaŭsiudžvajecca pahadnieńnie ab paźbiahańni dvajnoha padatkaabkładańnia ad 1995 hoda, pišuć rasijskija «Viedomosti». U hetym vypadku kampanii vystaŭlajuć dla vypłaty padatak na prybytak i pieniu, niahledziačy na toje, što hety padatak užo vypłačany ŭ Rasii.
Vydańnie adznačaje, što takaja praktyka isnavała i raniej, adnak apošnim časam stała maštabavacca. U zonie ryzyki ŭsie rasijskija pradpryjemstvy na terytoryi Biełarusi, jakija zajmajucca pradprymalnickaj dziejnaściu.
Jak adznačaje «Kommiersant'», płaciažy i pieni vystaŭlajuć dla vypłaty za 8-10 hadoŭ. Pravierki stali nasić masavy charaktar z vosieni 2024 hoda, choć nijakich źmienaŭ u zakanadaŭstvie nie było.
Taksama viadoma, što jość vypadki kryminalnych spraŭ u dačynieńni da rasijskich kampanij. Tak, zasnavalniku i hiendyrektaru smalenskaj kampanii «PromSnab» danaličyli padatki i pieniu ŭ ramkach takoj spravy pačynajučy z 2011 hoda na sumu bolš za $800 tys. Sam top-mieniedžar aryštavany, pišuć «Viedomosti».