Karpienka paviedamiŭ pra 15 biełarusaŭ, jakija viarnulisia z-za miažy, kab prahałasavać
23.01.2025 / 15:36
Užo 15 hramadzian Biełarusi, jakija žyvuć za miažoj i stajać na konsulskim uliku, prahałasavali na vybarach, zajaviŭ staršynia CVK Ihar Karpienka, piša BiełTA.
«Šmat krykaŭ byvaje, što my nie adkryli ŭčastki za miažoj. Mahu vas prainfarmavać, što na siońniašni momant užo na šaści ŭčastkach, jakija jość u abłaściach i Minsku, prahałasavali 15 hramadzian Biełarusi, jakija žyvuć za miažoj. Nahadaju, što ŭ adziny dzień hałasavańnia (u lutym 2024 hoda) takich hramadzian było ŭsiaho šeść», — adznačyŭ Ihar Karpienka.
«Spadziajemsia, što pahraničnyja pierachody ŭ Breście i Hrodnie nie buduć stvarać pieraškod dla hałasavańnia našych hramadzian (jakija žyvuć za miažoj) u hetych abłasnych centrach», — dadaŭ kiraŭnik CVK.