Za «anłajn-pikietavańnie» buduć sudzić zavuča Lachavickaj himnazii, jakuju zdała Bondarava
23.01.2025 / 21:13
28 studzienia sud Lachavickaha rajona razhledzić «pravaparušeńnie» Taćciany Alaksandraŭny Krapinievič pavodle č. 1 art. 24.23 KaAP (parušeńnie paradku arhanizacyi masavych mierapryjemstvaŭ), zaŭvažyŭ telehram-kanał «Vitiebsk, ja hulaju!»
Takija proźvišča, imia i imia pa baćku maje nastaŭnik matematyki i zavuč pa mietadyčnaj rabocie himnazii ŭ Lachavičach.
Jak piedahoh žančyna stała pieramožcaj abłasnoha etapu respublikanskaha konkursu «Nastaŭnik hoda Biełarusi — 2023». Ź joj jak udzielnicaj hetaha konkursu BiełTA zapisała ŭ 2023 hodzie intervju, u jakim Taćciana raskazvała pra svoj dośvied — jana ź Minska paśla dvuch dziasiatkaŭ hadoŭ pracy ŭ biznesie pierajechała ŭ rajcentr Bresckaj vobłaści, kab vučyć dziaciej.
Mienavita na Krapinievič pisała danosy Volha Bondarava.