Łukašenka padpisaŭ svoj pieršy ŭkaz paśla čarhovaha «abrańnia»
27.01.2025 / 13:14
Alaksandr Łukašenka padpisaŭ ukaz pa arendnym žylli. Dla kaštoŭnych śpiecyjalistaŭ jano stanie bolš tannym.
Fota: Minskstroj
Ukaz «Ab asablivaściach vydzialeńnia i vykarystańnia arendnaha žylla» padpisaŭ Alaksandr Łukašenka, piša pres-słužba palityka.
Dakumient rehuluje pradastaŭleńnie arendnaha žylla rabotnikam zapatrabavanych u krainie prafiesij.
Ukazam praduhledžana, što rajonnyja i haradskija vykanaŭčyja kamitety majuć prava vyznačać na miescach pieralik śpiecyjalistaŭ, u jakich maje patrebu rehijon, i prymać rašeńni ab vydzialeńni im arendnaha žylla na padstavie chadajnictvaŭ rabotadaŭcaŭ, ale tolki ź liku dziaržaŭnych orhanaŭ i arhanizacyj.
Dla najbolš zapatrabavanych śpiecyjalistaŭ, jakija majuć pieršačarhovaje prava na atrymańnie takoj žyłpłoščy, budzie prymianiacca panižalny kaeficyjent pry raźliku arendnaj płaty.
Heta pieršy ŭkaz, padpisany Łukašenkam paśla vybaraŭ.