Si Czińpin pavinšavaŭ Łukašenku
27.01.2025 / 13:22
Staršynia KNR Si Czińpin pavinšavaŭ Alaksandra Łukašenku z tak zvanym pieraabrańniem na pasadu prezidenta Biełarusi, piša BiełTA.
Fota: Puł pieršaha
«Rady čuć ab vašym pieravybrańni na pasadu prezidenta Respubliki Biełaruś, ad imia ŭrada Kitaja i kitajskaha naroda vykazvaju vam ščyryja vinšavańni», — havorycca ŭ vinšavalnym pasłańni.
Si Czińpin adznačyŭ, što ŭ apošnija hady krainy padtrymlivali ciesnyja kantakty, sumiesna raspracoŭvali i davali aryjenciry raźvićciu kitajska-biełaruskich adnosin, u vyniku čaho dvuchbakovyja adnosiny vyjšli na najvyšejšy ŭ historyi ŭzrovień adnosin usiepahodnaha i ŭsiebakovaha stratehičnaha partniorstva.