Śledčy kamitet pachvaliŭsia, što «identyfikavaŭ 365 udzielnikaŭ akcyj za miažoj»
27.01.2025 / 19:4
Pradstaŭnik Śledčaha kamiteta Siarhiej Kabakovič, demanstratyŭna pierabirajučy stos papier ź niejkimi fatahrafijami, zajaviŭ, što represiŭnym orhanam nibyta ŭdałosia apieratyŭna identyfikavać 365 udzielnikaŭ akcyj za miežami Biełarusi, pryśviečanych učarašnim «biazvybaram».
Siarhiej Kabakovič. Skrynšot ź videa
«Identyfikavanyja 365 piersanažaŭ, jakija pryniali ŭdzieł u zboryščach u roznych haradach. Siarod ich: Urocłaŭ — 11, Varšava — 203, Biełastok — 18, Vilnia — 29, Ńju-Jork — 39, Praha — 11 i inšyja», — zajaviŭ Siarhiej Kabakovič.
Pavodle jahonych słoŭ, «u ramkach rasśledavańnia kryminalnaj spravy ich dziejnaść zadakumientavanaja, i pryniataja pastanova ab pryciahnieńni fihurantaŭ da kryminalnaj adkaznaści, u tym liku ŭ paradku śpiecyjalnaj vytvorčaści».
Taksama va ŭdzielnikaŭ akcyj abiacajuć šukać majomaść na terytoryi Biełarusi, «u tym liku zarehistravanuju na inšych asobaŭ».