Hramadstva

«Tolki na adnym fota biuleteń». Prapahandysty šukajuć apraŭdańni žančynie, jakaja prahałasavała adrazu na dvuch učastkach

Učora «Radyjo Svaboda» źviarnuła ŭvahu na publikacyi ŭ łojeŭskaj rajoncy, dzie vidavočna adna i taja ž žančyna hałasuje na roznych učastkach. Viestka pra hety vypadak razyšłasia pa niezaležnych ŚMI, u suviazi z čym jamu choćki-niachoćki musiać davać niejkaje tłumačeńnie i prarežymnyja prapahandysty. 

Jak ni dziŭna, u źviazanym z Homielskim abłvykankamam telehram-kanale «Hovorit Homiel|Homielŝina» nie admaŭlajuć taho faktu, što na dźviuch fotakartkach adna i taja ž žančyna, i što źniataja jana na roznych učastkach. Adnak ža znachodziać jaje dziejańniam aryhinalnaje tłumačeńnie:

 «A ci nie mahła žančyna niekamu dapamahčy? Na ŭčastku ž pa zakonie vybarščyku moža dapamahčy tolki vybarščyk».

Dy i ŭvohule ci padčas hałasavańnia jana źniataja, staviać pytańnie prapahandysty:

«Dziela spraviadlivaści adznačym, što žančyna tolki na adnym fota trymaje ŭ rukach biuleteń!»

Kamientary da artykuła