Minčuk u kuplenaj kvatery znajšoŭ dva trupy
28.01.2025 / 11:4
U pačatku śniežnia ŭ milicyju źviarnuŭsia mužčyna i paviedamiŭ, što nie zmoh trapić u kvateru, jakuju jon nabyŭ niekatory čas tamu. Byłyja ŭładalniki na suviaź nie vychodzili, na zvanki nie adkazvali, uvachodnyja dźviery ŭ kvateru byli zamknionyja znutry.
Paśla ŭzłomu zamkoŭ i ŭvachodu ŭ kvateru ŭładalnik vyjaviŭ trupy mužčyn, «1986 i 1973 hadoŭ naradžeńnia ŭ stadyi hniłasnych źmianieńniaŭ».
Śpiecyjalist Dziaržaŭnaha kamiteta sudovych ekśpiertyz pa Minsku pry ahladzie trupaŭ vyjaviŭ ślady ad injekcyj. Dla vyznačeńnia pryčyn śmierci byli pryznačanyja sudova-miedycynskija ekśpiertyzy.
Vyśvietliłasia, što były ŭładalnik kvatery razam sa svaim siabram nabyli kryštaličny parašok biełaha koleru i ź jaho dapamohaj adznačyli ŭdałuju ździełku.
Śmierć mužčyn nastupiła ad vostraj intaksikacyi mietadonam, kancentracyja jakoha adpaviadała śmiarotnaj. Va ŭnutranych orhanach zahinułych taksama znajšli fienabarbitał, tramadoł, zapikłon, prehabalin, kvietyjapin — mnohija z vyjaŭlenych rečyvaŭ uklučanyja ŭ Respublikanski pieralik narkatyčnych srodkaŭ.