Ježa

Cana na kavu arabika pastaviła novy histaryčny rekord

Sakavickija fjučarsy na arabiku 27 studzienia vyraśli na 2,3% i pieravysili papiaredni histaryčny maksimum. Na hety raz rynak adreahavaŭ na pahrozu Donalda Trampa pavysić mytnyja pošliny na tavary z Kałumbii, piša RBK.

Fota: vecteezy

Novy rekord na biržy ICE skłaŭ $3,56 za funt ($7,85 za kiłahram). Papiaredni maksimum byŭ dasiahnuty 10 śniežnia, kali cana fjučarsaŭ na tarhach Ńju-Jorkskaj biržy padymałasia da $3,461 za funt.

Raniej novy prezident ZŠA paabiacaŭ, što pavysić mytnyja pošliny na kałumbijskija tavary da 25%, kali kraina admovicca prymać departavanych z Amieryki nielehałaŭ. U vyniku ŭłady Kałumbii pahadzilisia na ŭmovy, prapanavanyja Trampam.

U minułym hodzie kava na suśvietnym rynku padaražeła amal na 70%. A za niapoŭny pieršy miesiac 2025 hoda — jašče na 11%.

Kamientary da artykuła