Dola Rasii ŭ ahulnym handli Biełarusi nabližajecca da 70 pracentaŭ
29.01.2025 / 10:8
Biełaruś straciła svaju šmatpalarnaść i ciapier na 70% u handli zaviazana na Rasiju. Ab hetym ministr zamiežnych spraŭ Biełarusi Maksim Ryžankoŭ raskazaŭ u intervju vydańniu «Iźviestija».
«U nas zaŭsiody była pazicyja biełaruskaj šmatpalarnaści, jakaja zaklučałasia ŭ tym, što my raźvivajem svaju źniešniuju palityku, źniešniuju ekanomiku z aporaj na mnohija centry siły. Ale jak by my ni chacieli realizavać toj pryncyp, pra jaki zaŭsiody kazali, što tracina našych intaresaŭ — heta pavinna być Rasija, tracina — kalektyŭny Zachad i tracina — dalokaja duha, usio roŭna navat u hetaj kanfihuracyi rolu Rasii zaŭsiody budzie vyznačalnaj», — skazaŭ Maksim Ryžankoŭ.
Adnak siońnia takoj kanfihuracyi «niama i blizka ŭ suviazi z sankcyjnymi abmiežavańniami z boku krain Zachadu», kaža jon. Pa słovach ministra, handal z Rasijaj nabližajecca da 65—70% ad ahulnaha handlu Biełarusi.