Viadomyja imiony 95 tysiač rasijan, jakija zahinuli na vajnie z Ukrainaj
31.01.2025 / 0:14
Prajekt «Horiuško», jaki šukaje ŭ adkrytych krynicach infarmacyju pra zabitych rasijskich vajskoŭcaŭ, paviedamiŭ, što kolkaść paćvierdžanych zahinułych pieravaliła za čarhovy kruhły lik — 95 tysiač čałaviek.
Fota: Wolfgang Schwan Anadolu via Getty Images
Papiaredni «jubilej» — 90 tysiač čałaviek — byŭ dasiahnuty 31 śniežnia 2024 hoda. Nastupnyja 5000 zahinułych naličyli za niapoŭny studzień.
Dla paraŭnańnia, u śniežni 2024 hoda śpis zahinułych papoŭniŭsia na 6500 čałaviek. I heta byŭ najbolšy pakazčyk ad pačatku vajny.
95-tysiačnym staŭ čałaviek z dalokaha Kudymkara — stalicy Komi-Piarmiackaj akruhi Rasii. Tam Vasil Ocinaŭ byŭ staršynioj Sajuza patryjatyčnych sił Parmy.
Vasil Ocinaŭ — 95-tysiačny zahinuły rasijski vajskoviec
Rabotniki inicyjatyvy manitorać sacyjalnyja sietki i znachodziać infarmacyju pra cyrymonii raźvitańnia ci prosta dopisy ad svajakoŭ.
Voś prykłady dopisaŭ: