Scenarysta z Barysava asudzili dva miesiacy nazad, a ciapier na jaho zaviali jašče dźvie kryminalnyja spravy
1.02.2025 / 19:13
Kirył Vieviel prysudžany da troch hadoŭ źniavoleńnia, ale jamu źbirajucca pavialičyć termin.
Kirył Vieviel. Fota z bazy «Kibierpartyzanaŭ»
U Minskim haradskim sudzie 14 lutaha 2025 hoda pačynajecca sud nad palitviaźniem Kiryłam Vievielem.
Jon byŭ aryštavany ŭ studzieni 2024 hoda i prysudžany da 3 hadoŭ źniavoleńnia za «zakliki da sankcyj», pryčym prysud ustupiŭ u siłu ŭ listapadzie 2024 hoda.
Ciapier Vievielu inkryminujecca ŭdzieł u niejkim «ekstremisckim farmiravańni» (361-1 č.3 Kryminalnaha kodeksa), a taksama ŭ raspalvańni varožaści (130 č.1 Kryminalnaha kodeksa). Pa novym abvinavačvańni chłopcu pahražaje da 6 hadoŭ źniavoleńnia.
40-hadovy Kirył Vieviel — čałaviek z techničnaj adukacyjaj, ale adznačyŭsia napisańniem scenaroŭ i muzyki. Paśla škoły skončyŭ Biełaruski dziaržaŭny ŭniviersitet, pracavaŭ na roznych zavodach i pradpryjemstvach, jakija pradajuć pramysłovuju techniku. Taksama jon u 2015 hodzie byŭ zasnavalnikam nievialikaj kampanii Hryfkom-viektar, jakaja pradaje kamplektujučyja dla kanviejeraŭ (zakryłasia ŭ 2021 hodzie).
Vieviel piša muzyku i scenary da filmaŭ. Jon jość taksama ŭ rejestrynacyjanalnych pravaŭładalnikaŭ.