Charkaŭski surok Cimka ŭpieršyniu za 21 hod nie vyjšaŭ da ludziej
3.02.2025 / 9:58
70 — 80% pradkazańniaŭ Cimki spraŭdžvajucca.
Fota: Charkaŭski nacyjanalny ŭniviersitet imia Karazina
Charkaŭskija surki z dynastyi Cimki nie źjavilisia na publicy ŭ Dzień surka, parušyŭšy šmathadovuju tradycyju ŭpieršyniu za 21 hod, paviedamlaje kp.ua.
Praz anamalna ciopłuju zimu žyvioły nie ŭpadali ŭ śpiačku, ale navukoŭcy vyrašyli nie zaprašać haściej na momant pradkazańnia, kab nie napałochać surkoŭ.
— Kaža, što sioleta viasna nikudy i nie sychodziła. Jana ŭ nas jość i budzie. Abaviazkova budzie viasna. Ale jašče mohuć być marazy, nievialikija. I śniažok jašče moža nakryć ziamlu, — pieradaŭ žurnalistam pradkazańnie surkoŭ zahadčyk bijastancyi Uładzimir Hrubnik.
Pavodle słoŭ zahadčyka bijałahičnaj łabaratoryi «Uschodnija stepy» Uładzimira Hrubnika, 70-80% pradkazańniaŭ Cimki spraŭdžvajucca.