Hramadstva

Va Uzbrojenych siłach — pravierka bajavoj hatoŭnaści. Budzie pryzyŭ z zapasu

Va Uzbrojenych siłach pačynajecca pravierka bajavoj hatoŭnaści. Kiraŭnik pravierki: načalnik Hienieralnaha štaba — Pavieł Muraviejka, paviedamlaje Minabarony.

Ilustracyjnaje fota Minabarony

U chodzie pravierki budzie aceńvacca hatoŭnaść i zdolnaść miechanizavanych čaściej i padraździaleńniaŭ vykonvać zadačy pa pryznačeńni.

Paviedamlajecca, što bajcam, u tym liku vajennaabaviazanym z zapasu, treba budzie vykanać «uvieś kompleks mierapryjemstvaŭ pa padrychtoŭcy ŭzbrajeńnia, vajennaj i śpiecyjalnaj techniki da ŭžyvańnia, vyjści ŭ pryznačanyja rajony».

Asnoŭnyja praktyčnyja dziejańni buduć prachodzić pry praviadzieńni vučeńniaŭ i trenirovak roznaha maštabu na palihonach i nieznajomych učastkach miascovaści. 

U chodzie pravierki zapłanavana pieramiaščeńnie vajskovaj techniki, mahčyma časovaje abmiežavańnie ruchu hramadzianskaha transpartu pa darohach ahulnaha karystańnia i ŭčastkach miascovaści.

Kamientary da artykuła