U Minsku mohuć źjavicca bieśpiłotnyja tramvai
3.02.2025 / 13:43
«Biełkamunmaš» pracuje nad bieśpiłotnymi technałohijami dla hramadskaha transpartu.
Kanstruktary «BKM Chołdynh» pracujuć nad stvareńniem hramadskaha transpartu ź bieśpiłotnymi elemientami.
Hiendyrektar pradpryjemstva Taras Muroh raspavioŭ, što pačynać buduć ź bieśpiłotnych tramvajaŭ, piša BiełTA.
«Pieršy ŭzrovień bieśpiłotnaści płanujecca realizavać pry zborcy tramvajaŭ dla Minska. Dalej u 2025 hodzie budziem supracoŭničać z maskoŭskaj kampanijaj pa ŭkaranieńni technałohii na kołavaj technicy, dzie heta vykanać krychu składaniej, čym na rejkavaj», — adznačyŭ Muroh.
Siarod inšych napramkaŭ raspracovak — elektrobusy z načnoj zaradkaj i nizkapolnyja tramvai. U pryvatnaści, adnasiekcyjnyja tramvai T811 užo vyjšli na maršruty ŭ Minsku. Hatujucca da vypusku trochsiekcyjnyja T856.